Položaj u kojem spavate otkriva kakva vam je veza

Parovi čija je komunikacija u vezi patila, baš kao i njihov cjelokupni odnos, imali su ozbiljne probleme sa nesanicom.

Kako spavate? Mirno i neprekinuto? Ili se cijelu noć vrtite, budite i imate loše snove? Možda je kriv vaš partner!

I ne, ne mislimo na njegovo hrkanje, već na neka neriješena pitanja u vašem odnosu, sa kojima se očigledno borite i u snu.

Nije nepoznanica da emocionalno stanje diriguje našim snovima, a upravo je i to bio temelj na kojem se izvodilo istraživanje na čak 698 parova starosti između 35 i 86 godina.

Svaki od ispitanika morao je da odgovara na pitanja o depresiji, anksioznosti i nesanici, ali i njihovoj ljubavnoj vezi. Ispostavilo se da parovi koji su na pitanja o partneru i njihovom odnosu odgovarali na pozitivan način, spavaju znatno mirnije i bolje.

Sa druge strane, parovi čija je komunikacija u vezi patila, baš kao i njihov cjelokupni odnos, imali su ozbiljne probleme sa nesanicom. Možda mislite da su problemi na poslu, fakultetu ili sa novcem uzrok vašeg lošeg sna posljednjih nedjelja ili mjeseci, ali nauka je utvrdila da, ako zaspimo u naručju partnera sa kojim se osjećamo srećno, sigurno i zaštićeno, zaboravljamo na sav nemir i probleme. Bar do sljedećeg jutra.

Izvor: Cosmopolitan.rs